बलिउड फिल्म ‘जग्गा जासुस' की नायिका मृत फेला

नायिका बिदिशा बेजबरुआको फाइल फोटो

बलिउड नायिका बिदिशा बेजबरुआ मृतअवस्थामा भेटिएकी छिन्। बलिउड फिल्म ‘जग्गा जासुस' की नायिका बेजबरुवाको शव गुडगाँउस्थित आफ्नो घरको पंखामा झुण्डिएको अवस्थामा भेटिएको प्रहरीले जनाएको छ ।
प्रहरीका अनुसार कुनै ‘सुसाईड नोट' भने भेटिएको छैन । लामो समय मुम्बईमा बस्दै आएकी उनी पछिल्लो समय भने आफ्ना श्रीमानसंग गुडगाउँमा बसाई सरेकी थिईन । उनले एक बर्षअघि मात्र बिहे गरेकी थिईन् ।
प्रहरीले उनका श्रीमानलाई पक्राउ गरेको छ भने नायिका बेजबरुआको फोन, फेसबुक लगायत समाजिक सञ्जालको पनि अनुसन्धान गरिरहेको जनाएको छ । नायिकाका बुबाले छोरीलाई बारम्बार फोन गर्दा नउठेपछि प्रहरीलाई जानकारी गराएका थिए ।
प्रहरी घरमा पुग्दा ढोकामा ताल्चा लगाइएको थियो । ढोका फोडेर घर भित्र प्रहरी छिर्दा बेजबरुआको शब पंखामा झुण्डिएको अवस्थामा फेला परेको जनाइएको छ ।
आसामी चर्चित नायिका एबम् गायिका बेजबरुआको मृत्युको खवर थाहा पाएपछि असमका मुख्य मन्त्री सर्बानन्द सोनोवालले हरियाणाका मुख्यमन्त्री मनोहरलाल खट्टरलाई टेलिफोन गरी घटनाको गम्भीरतापूर्वक छानविन गर्न आग्रह गरेका छन् ।- अन्नपूर्ण बाट