काठमाडौं, जेठ २६ गते । । नेपाल आयल निगमले १५ वर्षमै पहिलोपटक सबैभन्दा धेरै तेल भण्डारण गरेको छ । आयल निगमले तराई क्षेत्र लक्षित गरेर आगामीअसार १४ गते हुने दोस्रो चरणको स्थानीय तहको चुनावलाई ध्यानमा राख्दै एकैपटक १५ वर्ष यताकै उच्च परिणामको तेल भण्डारण गरेको हो ।
चुनावी बन्दोबस्तीका लागि तेलको माग बढ्ने र केही समय सीमा नाका बन्द हुने भएकाले तेलको माग थेग्न सक्नेगरी भण्डारणलाई उच्च बनाइएको निगमका प्रवक्ता तथा वितरण विभाग प्रमुख सीताराम पोखरेलले अनलाइनखबरलाई बताए ।
अहिले निगमका सबै डिपोमा गरेर ५० हजार किलोलिटर अर्थात ५० लाख लिटर तेल भण्डारण गरिएको पोखरेलले बताए ।
शुक्रबारसम्म निगमले २ हजार ५ सय ७२ किलोलिटर पेट्रोल माैज्दात (स्टक) मा राखेको छ । त्यसैगरी निगमका विभिन्न डिपोमा गरेर ३७ हजार ८ सय ३० किलोलिटर डिजेल पनि अहिले स्टकमा रहेको उनले बताए ।
निगममा २ हजार ५ सय ९५ किलोलिटर मटितेल र ७ हजार १० किलोलिटर हवाइ इन्धन स्टकमा छ ।
पोखरेलका अनुसार बिारटनगरमा ७ हजार ५ सय ६० किलोलिटर तेल मौज्दातमा छ भने काठमाडौंमा १५ हजार ९ सय ९६ लिटर तेलको स्टक छ ।
अमलेखगञ्जमा १७ हजार ५ सय ३२ किलोलिटर तेल स्टकमा रहँदा भैरहवामा २ हजार ९ सय र पोखरमा २ हजार १ सय किलोलिटर तेल भण्डारण गरेर राखिएको छ ।
नेपालगञ्जमा १ हजार ९ सय र धनगढीमा १ हजार ६ सय किलोलिटर तेल मौज्दातमा छ । निगमले सबै क्षेत्रमा आवश्यक पर्ने तेलको भण्डारण गरिसकेको र नियमति आपूर्तिलाई पनि सहज गराइराखेको पोखरेलले बताए ।
‘यो समयमा हामी भोलि पर्नसक्ने अप्ठोरो अवस्थमा बारेमा सचेत छौं । हामी आफ्नो भण्डारण क्षमतालाई भरपूर उपयोग गरेर तेलको आपूर्तिलाई सहज गराइराख्न प्रयत्नशील छौं’ पोखरेलले भने ।
निगमसँग अहिले ३ अर्ब ८४ करोड मूल्य बराबरको तेल मौज्दातमा छ ।
कहाँ कति कति छ तेल स्टक ?
 | |
| रबिन्द्र घिमिरे,अनलाइनखबर |
Post a Comment