![फिफा वरियतामा नेपाल चार स्थान माथि](http://annapurnapost.com/uploads/news/nepali_football-5930cbf9e50470.54212873.jpg)
विश्व फुटबल महासंघ (फिफा) वरीयतामा नेपालले चार स्थान सुधार गरेको छ । फिफाले बिहीबार सार्वजनिक गरेको वरीयतामा नेपाल एक सय ६९औं स्थानमा उक्लिएको हो । नयाँ वरीयताअनुसार नेपाल दक्षिण एसियामा पाँचौं स्थानमा छ । दक्षिण एसियामा शीर्ष स्थानमा रहेको भारत समग्रमा एक सय स्थानमा छ।
दोस्रो स्थानमा रहेको माल्दिभ्स समग्र वरीयताको एक सय ५६औं स्थानमा छ । पछिल्लो वरीयतामा माल्दिभ्स चार स्थान खस्किएको हो । अफगानिस्तान चार स्थान खस्कँदै समग्र एक सय ५८औं स्थानमा छ । दुई स्थान तल झरेको भुटान एक सय ६६औं स्थानमा छ ।
नेपालभन्दा पछाडि रहेको बंगलादेश एक सय ९२औं र श्रीलंका एक सय ९७औं स्थानमा छन् । पाकिस्तान दुई सय स्थानमा छ । वरीयताको शीर्ष स्थानमा ब्राजिल छ । अर्जेन्टिना दोस्रो र विश्वकप विजेता जर्मनी तेस्रो स्थानमा छ । चिली, कोलम्बिया, फ्रान्स, बेल्जियम, पोर्चुगल, स्विट्जरल्यान्ड र स्पेन शीर्ष दसमा परेका छन् ।- अन्नपूर्ण बाट
Post a Comment