अफगानिस्तानमा तालिवानी लडाकुको आक्रमणमा परी ७० भन्दाबढी सैनिक जवानको मृत्यु भएको छ । तालिवान लडाकुले अफगानिस्तानको उत्तरी इलाकामा पर्ने मजार इ सरिफ शहरको बाहिरी इलाकामा रहेको सैनिक शिविरमा आक्रमण गरेको अफगानी सेनाले जानकारी दिएका छन् ।
आफगानी सेनाले दिएको जानकारी अनुसार आक्रमणकारी तालिवान लडाकु सेनाको भेषमा आएका थिए । सैनिकहरु शुक्रबारको नवाज पढेर मस्जिदबाट बाहिर निक्लिरहेका बेला तालिवानी लडाकुले सैनिकलार्इ निसाना बनाएको थियो । तालिवानले एक बक्तव्य जारी गर्दै घटनाको जिम्मेवारी लिएको छ । घटनामा परी केही आक्रमणकारी पनि मारिएको बताइएको छ ।-एजेन्सी
Post a Comment