भैरहवा,चैत १६ गते । भैरहवामा लागुऔषध सहित दुई जना युवा पक्राउ परेका छन् । पक्राउ पर्नेमा रुपन्देही धकधई २ का १८ वर्षीय कृष्ण भुज र केरवानी १ का १८ वर्षीय मुविन पठान रहेको प्रहरीले जनाएको छ ।
भारतीय सिमावर्ती बजार सुनौलीबाट अवैध लागुऔषध शरीरमा लुकाईछिपाई ल्याइरहेको अवस्थामा उनीहरु पक्राउ परेको लागुऔषध नियन्त्रण ब्यूरो शाखा भैरहवाले जनाएको छ ।
उनीहरुका साथबाट टिडी जेसिक डाइजेपाम २ सय ५० सीसी, फेनरागन २ सय ४१ सीसी र नुफिन २ सय ५० सीसी बरामद भएको छ । बरामद लागुऔषधको बजार मूल्य ७० हजार रुपैयाँ रहेको छ ।
पक्राउ परेका युवाहरुले सिमावर्ती भारतीय बजारको समिर मेडिकलबाट लागुऔषध खरिद गरेको प्ररम्भिक अनुसन्धानबाट खुलेको प्रहरीले जनाएको छ ।-अनलाइनखबरबाट
Post a Comment