प्रिमियर लिग च्याम्पियन लिसेस्टर सिटी स्वान्सीसँग पराजित भएको छ । र, रेलिगेशन जोनबाट एक अंकले मात्र बचेको छ ।
आइतबार राति भएको खेलमा स्वान्सीले लिसेस्टरलाई २-० गोल अन्तरले हराएको छ ।
यो उसको लगातार पाँच हार हो । साथै प्रिमियर लिगमा साविकको विजेताले लगातार ५ हार व्यहोर्ने टिम १९५६ मा चेल्सीपछि लिसेस्टर बनेको छ ।
घरेलु मैदानमा भएको खेलमा स्वान्सीले ३६ औं मिनेटमा मोसेनको गोलबाट अग्रता लिएको थियो । पहिलो हाफको अन्तिम मिनेटमा ओल्सनले गोल गर्दै टोलीको अग्रता २-० मा पुर्याए ।
लिसेस्टरले दोस्रो हाफमा खेलमा र्फकने प्रयास गरेपनि स्वान्सीका गोलकिपर लुकास फेबिआन्सकी बाधक बने । उनले पाँच प्रहार रोकेका थिए ।
यो हारसँगै लिसेस्टर रेलिगेशन जोनबाट मात्र १ अंकले माथि छ । उसको २५ खेलबाट २१ अंक छ भने रेलिगेशनमा रहेको हल सिटीको २० अंक छ ।-अनलाइनखबर
Post a Comment