मौसमी तापमान अझै उकालो लागेको छैन । यो अवस्था निकै कष्टकर हुन्छ, खासगरी थाइराइडका रोगीलाई ।
थाइराइड रोग आम समस्या हो । यसले जोसुकैलाई सताउन सक्छ । न उमेरको भेद छ यसमा न, बर्गको । किनभने यो हर्मोनको गडबडीले निम्त्याउने समस्या हो । यो त्यही हर्मोन हो, जसले शरीरमा रोगप्रतिरोधात्मक क्षमता बढाउन र शारीरिक तापमान सन्तुलन राख्न सहयोग गर्छ ।दुई प्रकारका थाइराइड
यदि शरीरमा हर्मोनको कमी भएमा त्यसलाई ‘हाइपो थाइराइडिज्म’ भनिन्छ । त्यसको बिपरित हर्मोनको उत्पादन बढी भएमा, हाइपर थाइराइडिज्म भनिन्छ ।
हाइपर थाइराइडमा आवश्यक्ताभन्दा बढी हर्मोन उत्पादन हुन्छ । यसले शरीरमा तापमान बृद्धि गर्छ । त्यस्तै, हाइपो थाइराइडमा कम हर्मोन उत्पादन हुन्छ । फलतः शरीर चिसो हुन्छ ।
जाडोमा हाइपो थाइराड रोगीलाई समस्या
खासगरी जाडो सिजन हाइपो थाइराडका रोगीका निम्ति प्रतिकुल हुन्छ । उनीहरुको शारीरिक तापमान कायम हुन पाउँदैन । यसले उनीहरुलाई जाडो लाग्ने मात्र होइन, रोगको संक्रमण हुने खतरा पनि रहन्छ । हाइपो थाइराडका बिरामीलाई यो मौसममा घाँटी दुख्ने, ज्वरो आउने हुन्छ ।
ख्याल गर्नैपर्ने कुरा
– चिसो मौसममा हाइपो थाइराइडका बिरामीले बिशेष सर्तकता अपनाउनु पर्छ ।
– साविकको भन्दा बढी औषधी सेवन गर्नुपर्ने अवस्था हुन्छ ।
– शरीरलाई न्यानो राख्ने उपाय खोज्नुपर्छ ।
– चिसोकै कारण शरीरको नसा साँघुरिएर रक्त प्रवाह सुचारु हुन पाउँदैन । त्यसैले शारीरिक रुपमा सक्रिय हुनुपर्छ । योगको माध्यामबाट पनि यसको निदान खोज्न सकिन्छ ।
– पर्याप्त आरम गर्ने ।
– बोसोयुक्त तथा प्रोटिनयुक्त खानेकुरा खानुपर्छ । मौसमी फलफुलको सेवन गर्नुपर्छ ।
– चिसो पानीको सम्पर्कमा रहनु हुँदैन । चिसो पानीको कम प्रयोग गरौ ।
– घरबाट बाहिर निस्कदा न्यानो लुगा लगाउने । मफलर, पञ्जा, मोजा आदिको प्रयोग अनिवार्य गर्नैपर्छ ।
– राती सुत्नका लागि कोठा तथा ओछ्यान न्यानो हुनुपर्छ ।
– यदि धेरै जाडो महसुष भएमा चिकित्सकको परामर्श लिनैपर्छ ।
(यद्यपी जाडो लाग्दैमा सबैलाई थाइराइड हुन्छ भन्ने छैन । शरीरको प्रकृति अनुसार कसैलाई धेरै जाडो वा गर्मी महसुष हुनु स्वभाविक हुन्छ ।)
– डा. अंशुमली जोशी, इन्डाक्राइनोलोजिष्टसँगको कुराकानीमा आधारित।,अनलाइनखबर
Post a Comment