![electricity](http://www.onlinekhabar.com/wp-content/uploads/2016/06/electricity.jpg)
जुम्ला, मंसिर १२ गते। करेन्ट लागेर गम्भीर घाइते भएका विद्युत प्राधिकरण जुम्लाका कर्मचारीको आज बिहान मृत्यु भएको छ ।
चन्दननाथ नगरपालिका–८ छिनागाउँका ३८ वर्षीय दिनेशनाथ योगीको मृत्यु भएको हो । योगी चन्दननाथ नगरपालिका– ७ नजिकै रहेको विद्युत् खम्बाको एसटी लाइनमा काम गरिरहेका बेला करेन्ट लागेर तल खसेका थिए ।
बेहोस अवस्थामा रहेका उनलाई तत्कालै स्थानीयवासीले उद्धार गरी उपचारका लागि कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा लगेकामा उपचारका क्रममा मृत्यु भएको प्रतिष्ठानका डाक्टर सूर्यमान लिम्बूले जानकारी दिए ।
रासस
Post a Comment