पोखरा, मंसिर १ गते। नेपाली कांग्रेसको भ्रातृ संगठन नेपाल तरुण दलले अध्यक्ष, उपाध्यक्ष, महासचिव र कोषाध्यक्षको टुङ्गो लगाएको छ ।
![](http://www.imagekhabar.com/images/posts/1479278885jitjung.jpg)
नेताहरुबीच सहमतिका आधारमा अध्यक्षमा पार्टी सभापति शेरबहादुर देउवा निकट जितजंग बस्नेत र उपाध्यक्षमा कृष्ण सिटौला निकट उत्तमकुमार चापागाईं चयन भएका छन् ।
यस्तै महासचिवमा वरिष्ठ नेता रामचन्द्र पौडेल निकट भूपेन्द्रजंग शाही र कोषाध्यक्षमा बालकृष्ण खाँड निकट विद्वान गुरूङ छन् । गुरुङ नेता खुमबहादुर खड्का गुट समेतबाट कोषाध्यक्षमा चयन भएको चर्चा छ ।
नवनिर्वाचित अध्यक्ष जितजंग बस्नेतले आफूले तरुण दललाई सशक्त रुपमा नयां ढंगबाट अगाडी बडाउने प्रतिबद्धता व्यक्त गरे ।
पार्टीद्वारा गठित निर्देशक समितिले आजै पत्रकार सम्मेलन गरी नयाँ नेतृत्वको पदाधिकारी घोषणा गर्ने निर्णय गरेको बताइएको छ ।
नेपाल तरूण दलको संशोधित विधान अनुसार बाँकी पदाधिकारीको टुंगो भने काठमाडौं आएपछि सार्वजनिक गरिने भएको छ ।
उद्घाटन र बन्दसत्र भए पनि निर्वाचन प्रकियामा नेताहरु जान असमहत भएसँगै विवाद बढेको थियो ।
अहिलेसम्म ६१ सदस्यीय रहेको कार्यसमिति अब भने समावेशी प्रतिनिधित्वको आधारमा ९५ सदस्यीय बनाइएको छ ।
Post a Comment