पार्टीको अनुशासन आयोगले स्टाटस लेख्नु अघि पनि उनलाई फरक विषयमा स्पष्टीकरण सोधेको देवकोटाले बताएका छन् । “मुमारामजी पार्टीमा राजनीतिक संवाद समितिको संयोजक हुनुहुन्थ्यो । समितिको काम विभिन्न पार्टीका व्यक्तिहरुसँग छलफल गरी उनीहरुलाई नयाँ शक्तिमा ल्याउनु थियो । तर उहाँले नयाँ शक्तिमा आउन चाहने व्यक्तिहरुलाई पनि अहिले नआउनु, नयाँ शक्ति बन्दैन भनेर भड्काउनु हुँदोरहेछ ।” देवकोटाले भने, “मुमारामले बाबुरामजीको अनुहार देखाएर आफै नयाँ शक्ति खोल्नुपर्छ भनेर पार्टीमा गुटबन्दी सिर्जना गर्न थालेपछि पनि उहाँलाई कारबाही गरिएको हो ।”
यता नयाँ शक्तिबाट अलग्गिएको घोषणा गरेका मुमाराम खनालले भने नयाँ शक्ति माओवादीको गुट बन्ने निश्चित भएपछि आफूले सो पार्टी छाडेको बताएका छन् । बाह्रखरीसँग कुरा गर्दै उनले भने, “नयाँ शक्ति नयाँ वैकल्पिक धार होला भनेर लागेँ तर त्यो त माओवादीको गुट रहेछ ।”
यसैगरी उनले पार्टीले विभिन्न राजनीतिक संयन्त्रहरु बनाउने भने पनि पार्टी नेतृत्वको ध्यान त्यतातिर नगएको बताए । खनालले पार्टीका माथिल्लो स्तरका नेताहरु यौनकाण्डमा संलग्न तथा केही तस्करसम्म रहेको आरोप पनि लगाए । ती व्यक्तिहरुेको नाम उल्लेख नगरी उनले भने, “केही माथिल्लो स्तरका नेताहरु यौनकाण्डमा संलग्न छन् । केही तस्कर छन् । उनीहरुको अहिले यो बारेमा पार्टीमा कुरा उठ्यो । लोकपाल आयोग बनाउने भनियो तर केही बनाइएन ।” खनालले आफू अब कुनै पार्टी नजाने तर देशमा एउटा नयाँ वैकल्पिक धारको शक्तिको आवश्यकता रहेको औंल्याएका छन् । - सन्तोष दाहाल , बाह्रखरीबाट
Post a Comment