वीरगन्ज, कात्तिक ६ गते । भारतको रक्सौलबाट नेपालतर्फ ल्याइरहेको अवस्थामा सशस्त्र प्रहरीले लागुऔषधसहित तीन जनालाई शुक्रबार राति पक्राउ गरेको छ ।
पक्राउ पर्नेमा वीरगन्ज उपमहानगरपालिका–२० का भीमरावत यादव, वडा नं–२३ का पशुराम साह र अलौँ कार्निया निवासी सोनमा चौधरी रहेको सशस्त्र प्रहरी बल बोडर आउट पोस्ट अलौँले जनाएको छ ।
उनीहरुबाट लागुऔषध, सुई, डाइजोपाम २२० थान फेवारगन २६५ थान र नुर्फिक २२३ थान बरामद गरेको हो । भारतको रक्सौलबाट नेपालतर्फ आइरहेको अवस्थामा शुक्रबार राति ९ः३० बजेतिर सिर्सिया छोटी भन्सार कार्यालय नजिकबाट उनीहरुलाई लागुऔषधसहित पक्राउ गरिएको हो ।
पक्राउ परेका तीनै जनालाई लागुऔषधसहित आवश्यक कारबाहीका लागि जिल्ला प्रहरी कार्यालय पर्सामा बुझाइएको छ । रासस
Post a Comment