मरेको चरासँगै फुटेको सिसा भेटिएपछि सरसफाईका लागि डेढ घण्टा विमानस्थल बन्द गरिएको विमानस्थल प्रवक्ता प्रेमनाथ ठाकुरले जानकारी दिए । बिहान ८ बजेर २६ मिनेटमा रन–वेमा मरेको चरासँगै फुटेको सिसा रहेको खबर एयर ट्राफिकले पाएलगत्तै विमानस्थल बन्द गरिएको हो ।
प्रवक्ता ठाकुरका अनुसार कुन जहाजमा चरा ठोक्किएको खुल्न सकेको छैन । ‘तीनवटा इन्टरनेसनल र बिहान उडान भरेका डोमेस्टिक जहाजलाई सोध्यौं,’ उनले भने, ‘तर उनीहरुले आफ्नो जहाजमा नठोक्किएको जवाफ दिएका छन् ।’
विमानस्थल बन्द गरिएसँगै डोमेस्टिक र इन्टरनेसनल उडानहरु डाइभर्ट गरिएको थियो ।
रन–वेबाट चरा निकाल्न नै डेढ घण्टा विमानस्थल बन्द गरिएको भन्दै पाइलटहरु आक्रोसित भएका छन् ।
विमानस्थल स्रोतका अनुसार एयरसाइड भेइकल (विमानस्थल सफा गर्ने गाडी)का चालक नहुँदा सफाईमा ढिला भएको थियो ।
Post a Comment