काठमाडौं , असोज १८ गते । स्थानीय विकास अधिकारीहरुको सरुवा गर्ने स्थानीय विकास मन्त्रालयको निर्णय प्रति स्थानीय तहको संख्या र सीमाना निर्धारण आयोगले आपत्ति जनाएपछि उक्त निर्णय तत्काललाई कार्यान्वयन नहुने भएको छ ।
तीन दलसहित आयोगको सोमबार बसेको बैठकमा आयोगका पदाधिकारीहरुले स्थानीय विकास अधिकारीहरुको सरुवा गर्दा स्थानीय तहको पुनःसंरचना प्रभावित हुने भन्दै गुनासो गरेका थिए ।
स्थानीय निकायको पुनःसंरचनामा स्थानीय विकास अधिकारीको भूमिका मुख्य हुने र हालसम्म भएका कामहरु समेत प्रभावित हुने भन्दै आयोगले आपत्ति प्रकट गरेको थियो ।
मन्त्रालयले तत्काललाई उक्त निर्णय कार्यान्वयन नगर्ने र सार्वजनिक बिदाको दिन समेत स्थानीय विकास अधिकारीहरुलाई जिल्ला नछाड्न निर्देशन दिइएको मन्त्री हितराज पाण्डे जानकारी दिए ।
यसअघि मन्त्रालयले गत असोज १५ मा ५७ स्थानीय विकास अधिकारीसहित ४२ जिल्ला इन्जिनियर र ७० शाखा अधिकृतको सरुवा गर्ने निर्णय गरेको थियो । - भरत पाण्डेय , रातोपाटिबाट
Post a Comment