दुई बस ठोक्किंदा पाँच घाइते

उदयपुर, असोज २७ गते। उदयपुरको त्रियुगा नगरपालिका ११ रातमाटेमा बुधबार अपरान्ह दुई बस ठोक्किंदा पाँच जना घाइते भएका छन्। सिरहाको लहानबाट उदयपुर गाईघाटतर्फ जादै गरेको स १ ख ६१२ नम्बरको बस बिग्रिएर सडकमा रोकी राखेको ना ३ ख ४७०० नम्बरको बस पछाडी ठोक्किएको हो ।




दुर्घटनामा बिग्रिएको बस मर्मत गर्दै गरेका उदयपुर गाईघाट बस्ने मिस्त्री बाबुल अलि, रहमद अन्सारी र बसका खलासी भोज कुमार बुढाथोकी तथा बसका यात्रुहरु मोरङ टंकीसिनुवारी-१ बस्ने ८ वर्षिय प्रज्वल भट्टराई र १३ वर्षिया भुमिका भट्टराई घाइते भएका छन्। घाइते सबैलाई सुर्योदय अस्पताल उदयपुर पुर्‍याइएको छ भने बसका चालक प्रहरीको नियन्त्रणमा रहेको छ।