काठमाडौँ, असोज २६ गते । रामचन्द्र पौडेल समूहको तीब्र दबाबपछि सभापति शेरबहादुर देउवाले केन्द्रीय समिति बैठक बोलाएका छन् ।
![sher bahadur](http://assets-cdn.ekantipur.com/images/kantipur/politics/04102016082338sherbahadur-1000x0.jpg)
केन्द्रीय कार्यसमितिको बैठक अगामी कात्तिक ४ गते बिहान ११ बजे पार्टी केन्द्रीय कार्यालय, बिपी स्मृति भवन, बिपीनगर, ललितपुरमा बस्ने भएको छ ।
पार्टी व्यक्तिवादी तवरबाट चल्न नसक्ने भन्दै पौडेलसहित पूर्वमहामन्त्री प्रकाशमान सिंहले देउवाको सार्वजनिक मञ्चबाटै आलोचना गरेका थिए । बैठकमा सरकारको समीक्षा, स्थानीय निकाय पुन: संरचनालगायतका विषयमा छलफल हुने पार्टी केन्द्रीय कार्यालयले जनाएको छ ।
मुख्य सचिव कृष्णप्रसाद पौडेलद्वारा आज जारी प्रेस विज्ञप्तिमा बैठकमा समसामयिक राजनीतिक विषयमा छलफल हुने उल्लेख छ ।
Post a Comment