मरदान – उत्तरी पाकिस्तानमा रहेको मरदान सहरमा रहेको अदालतमा भएको आत्मघाती विस्फोटमा परी कम्तिमा ११ जनाको मृत्यु भएको छ भने ३० जनाभन्दा घाइते भएका छन् । प्रहरी अधिकारीहरुका अनुसार आक्रमणकारीले अदालतमा पहिलो ग्रिनेड प्रहार गरेको र पछि आफै छिरेर आत्मघाती विस्फोट गराएको हो । मारिनेमा प्रहरी अधिकारी, वकिल र सर्वसाधारण रहेको बिबिसीले जनाएको छ । शुक्रबार बिहानमात्र चारजना आतंकवादीले पेशावरको इसाई धर्मावलम्बी बस्ने स्थानमा आक्रमण गरेका थिए । जसमा प्रहरीले चारै जनालाई मार्न सफल भएको थियो । दुवै घटना खाइबर पखतुनख्वा प्रान्तमा भएको हो । कुनै पनि समूहले अदालतमा भएको आक्रमणको जिम्मेवारी लिएको छैन । उता, पेशावरमा भएको हमलाको भने तालिवानी समूह जमात उल अहरले लिएको थियो ।
Post a Comment