नवाजले यूएनको मंचमा कश्मीर हमलाबारे मुख खोलेः मुठभेडमा मारिनेलाई ‘शान्तीदूत’ भनेकोमा भारतको आपत्ति

संयुक्त राष्ट्र महासभामा कश्मिर मुद्दामा पाकिस्तानी प्रधानमन्त्री नवाज शरिफले हमलामा मारिने बुरहान बानीलाई युवा नेता भन्दै ‘शान्तीदूत’ घोषणा गरेपछि भारतले त्यसको कडा विरोध गरेको छ ।

हिजबुल कमान्डर बुरहान बानीको कश्मिरमा सुरक्षाकर्मीसँग भएको मुठभेडमा मृत्यु भएको थियो । गत जुलाईमा बानीको मृत्युपछि कश्मिर घाटीमा विरोध प्रदर्शन अहिलेसम्म जारी छ । प्रदर्शनकारी र सुरक्षाकर्मीको दोहोर गोली हानाहानले अहिलेसम्म ७० भन्दा बढि मानिसको मृत्यु भइसकेको छ ।

भारतीय विदेश राज्यमन्त्री एमजे अकबरले यूएनको मञ्चमा नवाजको भनाईमा आफ्नो विरोध जनाउँदै भने, ‘यो निकै लज्जास्पद् कुरा हो कि पाकिस्तानले एक आतंककारीलाई हिरो बनाइरहेको छ ।’

उनी थप्छन्, ‘कश्मिरमा रगतको खेल खेल्ने आतंककारी बुरहान बानीको तारिफ गरेर पाकिस्तानले आफूहरु आतंकको पक्षधर रहेको स्विकार गरेको छ ।’

अकबरका अनुसार शरिफले संयुक्त राष्ट्र महासभामा दिएको भाषण पूर्ण रुपमा हैरान गरिदिने किसिमको छ ।

एमजे अकबरले आतंकवाद र दोस्ती एकैपटक चल्न नसक्नेसमेत बताएका छन् ।

यता यूएनमा आफ्नो भाषणमा पाकिस्तानी प्रधानमन्त्री नवाज शरिफले बुरहानको निकै तारिफ गरेका छन् । उनले भने, ‘ बुरहान शान्तीका प्रतिमूर्ती थिए तर उनलाई मारियो । बुरहान शान्तीपूर्ण आन्दोलन चाहन्थे । कश्मिरको युवापीढि शान्ति चाहन्छ ।’

पाकिस्तानले आतंकको विरोधमा सबैभन्दा ठूलो अभियान चालेको नवाजले बताएका छन् । उनी भन्छन्, ‘आतंकवाद एक वैश्विक समस्या हो । आतंकवादको जरालाई पक्कै पनि निर्मुल पार्नुपर्छ ।’

अफिगानिस्तान र तालिवानको कुराकानीको बाटो पाकिस्तानले नै सुझाएको नवाजले बताउँदै अफगानिस्तानमा ३५ वर्षको अशान्तिको सिधा असर पाकिस्तानमा पर्छ ।

नवाजले आफूहरु भारतसँग शान्ती चाहेको बताएका छन् । उनी भन्छन्, ‘ हामी भारतसँग शान्ति चाहन्छौं । यो कुराकानीले मात्र सम्भव छ । तर भारतले हामीसँग कुरा गर्नका लागि शर्त राख्दछ । भारतीय फौज कश्मीरमाथि ज्यादती गर्दछ ।’

‘हामी भारतसँगको सबै विवादमा कुराकानी गर्न चाहन्छौं तर भारतले यस्ता शर्तहरु थोपरेका छन् जो स्विकार्य छैन, ’ उनले भने, ‘कुराकानी दुबैको हितमा छ । जम्मू कश्मिरको मतभेद हल गर्न आवश्यक छ । शान्ति र सुचारु सम्बन्ध कश्मिरको हलबिना सम्भव छैन ।