वासिङ्टन – अमेरिकाको वासिङ्टनस्थित सपिङ मलमा अन्धाधुन्द गोली प्रहार गरी ५ जनाको हत्या गरेको आरोपमा एक युवकलाई प्रहरीले पक्राउ गरेको छ ।
पक्राउ पर्नेमा २० वर्षीय अरकान सेटिन रहेका छन् । उनी वासिङ्टनकै ओक हारबरका वासिन्दा हुन् ।
यो ठाउँ शुक्रबार घटना भएको बर्लिङटनबाट दक्षिण–पश्चिममा रहेको छ । कास्केड मलमा रहेको मेकिज डिपार्टमेन्टल स्टोरमा भएको गोलीकाण्डमा ५ जनाले ज्यान गुमाएका थिए ।
एफबिआईले घटनामा ‘आतंकवाद’ को सम्बन्ध नरहेको बताएको छ ।
घटनालगत्तै वासिङटन प्रहरीले आक्रमणकारीको तस्विर ट्वीटरमार्फत रिलिज गरेको थियो ।
अरकानलाई कसरी पक्राउ गरिएको भन्ने बारे अझै खुलाइएको छैन । र, उनले किन यो घटना घटाएको हो भन्ने पनि खुलाइएको छैन ।
मारिनेमा तीन जना महिला र एक १६ वर्षीया युवती रहेकी छिन् । एक अन्य व्यक्तिको अस्पतालमा उपचारको क्रममा मृत्यु भएको थियो ।-रातोपाटी
Post a Comment