बिराटनगर , असोज ९ गते । मोरङको राजघाट गाविसलाई ईटहारा र सिजुवामा मिसाउन खोजेको भन्दै विरोध शुरु भएको छ ।
स्थानीय बासीले राजघाटलाई पुनसंरचनागर्दा उर्लाबारी नगरपालिकामै मिसाउन माग गरेका हुन ।
स्थानीय गाविस का अगुवा तोर्ण बहादुर श्रेष्ठको अगुवाईमा आज राजघाटका स्थानीय बासिन्दाले बिरोधसभाको आयोजना सम्पन्न गरेका छन । उनिहरुले सो क्षेत्रका १५ हजार सर्वसाधारणको हस्ताक्षर समेत संकलन गरिसकेका छन ।
गत असोज ४ गते देखि जिल्ला विकास समिति मोरङमा ज्ञापनपत्र बुझाउदै राजघाटलाई उर्लाबारी नगरपालिकामा समाहित गर्न माग गरेका थिए । स्थानीय अगुवा बाबुराम बुढाथोकीका अनुसार राजघाटलाई उर्लावारी नगरपालिकामै समाहित गर्नु पर्ने मागको विषयमा राजघाटबासी एकमत रहेका छन ।
उक्त कार्यक्रममा जेष्ठ नागरिक यादब बहादुर थापा , बिनोद पोख्रेल,नरबहादुर मोक्तान,प्रेम विभक,राजकुमार थापा लगायत विभिन्न राजनैतिक दलका प्रतिनीधि सहित इटहरा,सिजुवा गाविसका दशहजार सर्वसाधारणको सहभागिता रहेको थियो ।
Post a Comment