![](http://gorkhapatraonline.com/uploads/news-content/Leader/Jeevan%20bdr%20shahi%20ministery%20of%20aviation%20nepal.jpg)
काठमाडौँ, भदौ १६ गते । संस्कृति, पर्यटन तथा नागरिक उड्डयनमन्त्री जीवनबहादुर शाहीले पूर्वाधारको विकास भएमात्र पर्यटन क्षेत्रको समग्र विकास हुने बताउनुभएको छ ।
रिपोर्टर्स क्लब नेपालले आज यहाँ आयोजना गरेको साक्षात्कारमा मन्त्री शाहीले पर्यटनको विकास गर्न अन्तर्राष्ट्रिय उडानका लागि पाँचवटा र आन्तरिकका लागि दशवटा जहाज भित्र्याउने तयारीमा मन्त्रालय लागेको उल्लेख गर्नु भयो ।
मन्त्री शाहीले स्वदेशी उडानलाई सेवामूलक र विदेशी उडानलाई आम्दानी गर्ने माध्यमका रुपमा विकास गरेमात्र पर्यटनको विकास हुने स्पष्ट पार्नुभयो ।
उहाँले भूकम्पबाट क्षति भएको सम्पदाको पुनःनिर्माणका लागि लाग्ने खर्च र योजना एक महिनाभित्र मन्त्रालयमा बुझाउन सम्बन्धित पक्षलाई आग्रह गरेको बताउनुभयो ।
“पर्यटक नेपालको संस्कृति, कला, नदीनाला, भाषा, वेशभूषा हेर्न आउँछन् त्यसका लागि सबै सवारी साधनको उपयुक्त व्यवस्था नभएकाले जहाज आवश्यक छ” – मन्त्री शाहीले भन्नुभयो ।
उहाँले मुलुकको पर्यटन विकासका लागि सातवटै प्रदेशका सम्भावित स्थानको कार्ययोजना बनाउन निर्देशन दिइएको बताउनुभयो । रासस
Post a Comment