इटहरी, साउन ३१ गते । इटहरी उपमहानगरपालिका–८ स्थित धरान–विराटनगर सडकखण्डमा रहेको दुईवटा कवाडी पसलमा बिहान ३ बजेतिर लागेको भीषण आगलागीमा कम्तीमा रु ३० लाखको नोक्सानी भएको अनुमान गरिएको छ ।
आगलागीमा रमेश डङ्गोलको पसल ध्वस्त हुँदा उहाँको रु २० लाख बढीको नोक्सानी भएको इलाका प्रहरी कार्यालय इटहरीले जानकारी दिएको छ ।
डङ्गोलसँगै उत्तरतर्फ जोडिएको दीपक चौधरीको विशाल पसलको पनि रु १० लाख बराबरको नोक्सानी भएको सञ्चालक बताइएको छ । आगो विद्युत् चुहावट भएर लागेको अनुमान गरिएको छ ।
घना सहरीकरण क्षेत्रमा भएको आगोलाई इटहरी उपमहानगरपालिकाका दुई र अन्य स्थानबाट आएका वारुणयन्त्रले बिहान ६ बजेतिर पूर्णरुपमा नियन्त्रणमा लिएको इटहरी वारुणयन्त्रका कर्मचारीले बताएका छन् ।
आगो लागेको केही समयमा नै वारुणयन्त्रले आगो निभाउन जुटिहालेकाले ती पसल आसपासका घरमा आगो पैmलन नपाएकाले अरु ठूलो नोक्सानी हुनबाट जोगिएको छ । रासस
Post a Comment