![Manchester United](http://www.onlinekhabar.com/wp-content/uploads/2016/08/Manchester-United.jpg)
काठमाडौं,साउन २४ गते । प्रिमियर लिग च्याम्पियन लिसेस्टरलाई हराउँदै म्यानचेष्टर युनाइटेडले कम्युनिटी सिल्डको उपाधि जितेको छ ।
आइतबार राति भएको खेलमा युनाइटेडले लिसेस्टरलाई २-१ गोल अन्तरले हराएको हो । यससँगै माउरिन्हाले उपाधिका साथ युनाइटेडको प्रशिक्षण यात्रा थालेका छन् ।
खेलमा युनाइटेडले ३२ औं मिनेटमा जेसे लिनगार्डको गोलबाट अग्रता लिएको थियो । तर, ५२ औं मिनेटमा जेमी भर्डीले बराबरी गोल फर्काए ।
खेल सकिन सात मिनेट बाँकी छँदा जाल्टन इब्राहिमोभिचले म्यानचेष्टर युनाइटेडका लागि विजयी गोल गरे ।-अनलाइनखबरबाट
Post a Comment