३४ औं वरियताकी २२ वर्षीय मोनिकाले रियोमा महिला टेनिसतर्फ स्वर्ण जितेकी छिन्। ओलम्पिक इतिहासमा पोर्टोरिकोले स्वर्ण जितेको यो पहिलो अवसर हो। उनले आइतबार बिहान जर्मनीकी एन्जेलिक्यु केबेरलाई फाइनलमा ६–४, ४–६ र ६–१ को सेटमा पराजित गरिन्। केबेरको वर्तमान वरियता २ छ। केबेरले यसै वर्ष अस्ट्रेलियन ओपनको उपाधि जितेकी थिइन्। उनी विम्बल्डनको फाइनलमा पुगेकी थिइन्।
‘ओलम्पिक ममा मात्र सिमित रहदैन्’, जीतपछि उनले भनिन्–‘यो पोर्टोरिकोका लागि हो।’ पोर्टोरिकोको ओलम्पिक सहभागितामा हालसम्म ८ वटा पदक जितेको छ। यी सबै पदक पुरुष खेलाडीले मात्र जितेका थिए। यसमध्ये ६ पदक बक्सिङले जितेका थिए।
Post a Comment