![high-bp-treatment1](http://www.ratopati.com/wp-content/uploads/2016/08/high-bp-treatment1.jpg)
उच्च रक्तचाप भएकाहरुलाई आफ्नो रक्तचापमा कसरी कमी ल्याउने भन्ने कुराले पिरोलिरहेको हुन्छ । जसका कारण उनीहरु औषधीको सेवन गर्दछन् । रक्तचाप कम हुने वा बढ्ने यो विषय तपाईंको जीवनयापनसँग सम्बन्धित छ ।
यदि तपाईंले आफ्नो जीवनशैली परिवर्तन गरेर आफ्नो रक्तचापलाई नियन्त्रणमा ल्याउन सक्नुहुन्छ भने तपाईंले पक्कै पनि औषधीको सेवन गर्नुपर्दैन ।
सकारण आफ्नो जीवनशैलीलाई यसरी परिवर्तन गर्नुहोस् जसले गर्दा तपाईंको रक्तचापमा कमी आउँछ र तपाईं स्वस्थ जीवन जिउनसक्नुहुन्छ ।
आफ्नो अतिरिक्त तौल घटाउनुहोस्ः
तपाईंको तौल बढेसँगै तपाईंको रक्तचापमा पनि वृद्धि हुने सम्भावना दोब्बर हुन्छ । ४.५ केजी तौल घट्दा मात्र पनि तपाईंको रक्तचापमा चमत्कारिक रुपमा कमी आउँछ । तपाईंले रक्तचाप घटाउन औषधीको प्रयोग गरिसक्नुभएको छ भने पनि तौल घटाउँदा तपाईंले खाएको औषधीले विशेष रुपमा काम गर्न सहयोग गर्छ । आफ्नो तौल निर्धारण गर्न तपाईंले डाक्टरको सल्लाह पनि लिन सक्नुहुन्छ ।
![](http://www.ratopati.com/wp-content/uploads/2016/08/high-bp-treatment2.jpg)
आफ्नो खानामा गेडागुडी, फलफुल, हरियो सागपात, फ्याट कम भएका डेरी उत्पादनहरु समावेश गर्नुहोस् । तालिका बनाएर खाना खाने गर्नुहोस् । पोटासियम बढि भएका खानेकुराहरु खानुहोस् । सप्लिमेन्टको सट्टा फलफुल र तरकारी खानुहोस् ।
सोडियमको प्रयोग घटाउनुहोस्ः
यदि तपाईंले आफ्नो खानामा सोडियमको मात्रा अलिकति मात्र पनि कम गर्नुभयो भने तपाईंको रक्तचाप २ देखि ८ एमएम एचजी घट्नेछ । एक दिनमा २ हजार ३ सय मिलिग्राम सोडियममात्र खानुहोस् । खानामा नुनको मात्रालाई पनि कम गर्नुहोस् । प्याक गरेका खानेकुराको लेबल पढ्नुहोस् र जसमा कम सोडियम छ त्यो मात्र छान्नुहोस् ।- ओन्ली माई हेल्थ, रातोपाटीबाट
Post a Comment