![prachanda](http://i1.wp.com/www.news24nepal.tv/wp-content/uploads/2016/08/prachanda-2.jpg?resize=755%2C629)
काठमाडौं,साउन ३२ गते ।सरकार परिर्वतनसंगै दोस्रो पटक प्रधानमन्त्री भएको माओबादी केन्द्रका अध्यक्ष प्रचण्डको दबाबमा साउन २० मा बसेको मन्त्री परिषद् बैठकले यो रकम दिने निर्णय गरेको थियो । सरकारले जनयुद्धमा मृत्यु भएका तथा वेपत्ता पारिएकाहरुको परिवारलाई पूर्वघोषणा गरेको बाहानामा आफ्ना कार्यकर्तालाई पाँच लाख रुपैयाँ दिने निर्णय गरेको छ ।
आज सहिद एवं वेपत्ता योद्धा परिवारका प्रतिनिधिहरुसँगको भेटमा प्रधानमन्त्री दाहालले, ‘विगतका सरकारहरुले निर्णय गरी कार्यान्वयन गर्न बाँकी सहिद एवं वेपत्ता र द्वन्द्वका क्रममा मृत्यु भएका मृतकका परिवारलाई दिन बाँकी रकम उपलब्ध गराउन पूर्व निर्णय अनुसार बाँकी ५ लाख दिने निर्णय भएको बताएका थिए ।
उनले भने, ‘जनयुद्धका सहिदहरुलाई राज्यको तर्फबाट सहिद घोषणा गर्ने र १० लाख दिने निर्णय म पहलोपटक प्रधानमन्त्री हुँदा गरेको पहिलो निर्णय थियो । अहिले जिम्मेवारी सम्हालेपछि बाँकी ५ लाख दिने पहिलो निर्णय गरेको छु ।’
बजेटमा माओवादीसंग भएको सहमति अनुसार बजेट नआएको भन्दै संसदमा नै माओबादी सभासदहरुले प्रश्न उठाएका थिए । बजेटमाथि संसदमा उठेका प्रश्नहरुको जवाफ दिने क्रममा तत्कालीन अर्थमन्त्री विष्णु पौडेलले पूर्वघोषणाअनुसार रकम दिने बताएका थिए । तर, त्यसको स्रोत बजेटमा व्यवस्थापन भएको थिएन त्योसंगैबजेट कार्यान्वयन गर्न नपाउँदै ओली सरकार ढल्यो र, प्रचण्ड प्रधानमन्त्री भएका छन् ।
माओवादीका तत्कालीन नेता डा. बाबुराम भट्टराई प्रधानमन्त्री हुँदा बाँकी पाँच लाख नगद दिनुको साटो कुनै जलविद्युत आयोजनामा शेयर दिने घोषणा भएको थियो । तर, यो निर्णय चौतर्फी आलोचना गरेसंगै कार्यान्वयन भएको थिर्एन्न् ।०६५ मा प्रचण्ड सरकारले १० लाख दिने निर्णय गरेपनि ५ लाखभन्दा बढी पाएका छैनन् । केहीले त यो ५ लाख पनि नपाएको गुनासो गर्दै आएका थिए ।
Post a Comment