स्वेडेन – स्वेडेनको गोथनवर्ग सहरमा रहेको एक घरमा ग्रिनेड प्रहार हुँदा एक आठ वर्षीय बालकको मृत्यु भएको छ । बेलायतको बर्मिङहमका युसुफ वारसेमको ग्रिनेड हमलामा निधन भएको हो । उनी स्वीडेनमा आफ्नो नातेदारको घरमा पुगेका थिए । प्रहरीले उक्त घटना अन्डरवल्र्डबीचको दुस्मनीको कारणले भएको आशंका गरेको छ । गत वर्ष त्यसक्षेत्रमा भएको गोलीबारीमा संलग्न एक व्यक्ति त्यही क्षेत्रमा बसोबास गर्ने गरेको प्रहरीले जनाएको छ । प्रहरीले यस विषयमा छानविन गरिरहेको बताएको छ । ग्रिनेड हमला हुँदा घरम ५ बालबालिका र कयौं वयस्कहरु बसिरहेका थिए । ग्रिनेड हमलामा घाइते भएका वारसेमलाई उपचारका लागि अस्पताल लैजाने क्रममा मृत्यु भएको विविसीले जनाएको छ । सन् २०१५ को मार्चमा सोमाली समुदाय बस्ने स्थानमा दुई समूहबीच भिषण गोलीबारी भएको थियो ।
Post a Comment