काठमाडौं, भदौ ४ गते । अमेरिकी राष्ट्रपति पदमा रिपब्लिकन पार्टीका उम्मेदवार डोनाल्ड ट्रम्पलाई अर्को झड्का लागेको छ ।
उनका मूख्य चुनावी प्रचारकले नै ट्रम्पलाई सघाउन नसकिने भन्दै राजिनामा दिएका छन् । जिम्मेवारी सम्हालेको दुई महिनामै मूख्य प्रचारक पाउल मानाफोर्टले राजिनामा दिएका हुन् ।
उनले किन छाडे भन्ने यकीन नभएपनि ट्रम्पले पछिल्ला दिनमा व्यक्त गरेका भनाइसँग विमती रहेकाले राजिनामा गरेको हुनसक्ने आंकलन गरिएको छ ।
उता, अमेरिकाको विभिन्न शहरको चोक चोकमा ट्रम्पको नांगो प्रतीमा उभ्याइएको छ ।
विभिन्न कलाकारले एक बदनाम र आलोचनाबाट घेरिएको व्यक्ति कसरी राष्ट्रपति बन्न सक्छ भन्ने प्रश्न गर्न निर्वस्त्र प्रतीमा ठड्याइएको जनाएका छन् ।
न्यूयोर्क, लसएञ्जलस, सियाटल, सनफ्रान्सिस्को क्लेभल्याण्ड जस्ता शहरका चोकमा नांगो प्रतीमा उभ्याइएको छ । मानिसहरु ती प्रतीमामा झुम्मिएर सेल्फी लिने जस्ता काम गरिरहेका देखिन्थे । (एजेन्सी)
Post a Comment