![Sher Bahadur Deuba and Ramchandra Paudel 2](http://www.onlinekhabar.com/wp-content/uploads/2016/08/Sher-Bahadur-Deuba-and-Ramchandra-Paudel-2.jpg)
काठमाडौं,भदौ ९ गते । नेपाली कांग्रेसमा संस्थापन र रामचन्द्र पौडेल समूहबीच मन्त्री भागवण्डा मिलेको छ । यससँगै अब कांग्रेसले मन्त्रीहरुको नाम पठाउने तयारी गरेको छ ।
पौडेल निकट स्रोतका अनुसार पार्टी सभापति शेरबहादुर देउवा पाँच मन्त्री दिन तयार भएका छन् । बिहीबार देउवाले पौडेलसँग वार्ता गर्ने जिम्मा सरकारमा पार्टीको नेतृत्व गरेका उपप्रधान एवं गृहमन्त्री विमलेन्द्र निधिलाई खटाएका थिए ।
कांग्रेस नेता नविन्द्रराज जोशीले भने, ‘पाँच मन्त्रालयमा सहमति भयो भन्ने खबर आएको छ ।’
यसअघि पटक-पटक भएको छलफल असफल भएपछि पौडेल समूहले पाँचमन्त्री र चार राज्यमन्त्री नपाए आफ्नो तर्फबाट सरकारमा सहभागी नहुने चेतावनी दिएको थियो । जसका कारण बुधबार मन्त्रिपरिषद् विस्तार हुन सकेको थिएन ।
पौडेल समूहले पाउने मन्त्रालयहरु भने टुंगिएको छैन । यसबारे छलफल चलिरहेको छ । नेताहरुले आजै सबै टुंग्याउने भनेकाले आजै मन्त्रिपरिषद् विस्तारको सम्भावना छ ।-अनलाइनखबरबाट
Post a Comment