गुल्मी,असार ३१ गते । गुल्मीको बाझकटेरी गाविसमा गएराति एक जनाको हत्या भएको छ ।
बाझकटेरी–१ छहराका ५५ वर्षीय छत्रबहादुर सेन वलीको गएराति अज्ञात समूहले हत्या गरेको जिल्ला प्रहरी कार्यालय गुल्मीले जनाएको छ ।
राति १ बजेतिर २–३ जनाको समूहमा आएका अज्ञात समूहले आफूलाई समस्या परेको बताउँदै ढोका खोल्न लगाई श्रीमती खनीसरा सेना एउटा तिलहरी र कानमा लगाएको सुनको गहना र दुइृवटा मोबाइल लुट्न खोजेका थिए । उनीहरुलाई रोक्ने क्रममा छत्रबहादुरमाथि खुकुरी प्रहार भएको डिएसपी महेन्द्र नेपालले जानकारी दिए । घटना राती करिब १ बजे घटेको थियो ।
छत्रबहादुरमाथि खुकुरी प्रहारपछि आक्रमणकारी लुटको सामान लिएर भागेका थिए । घटनाको बेला घरमा छोरी र श्रीमती थिए । मृतक छत्रबहादुरका छोरा राजेश सेन सञ्चारकर्मी हुन् ।
घटनास्थलमा अहिले इलाका प्रहरी कार्यालय पुर्कोटदहको प्रहरी टोलीका सथौ एसपी भोली रावल पुगेका छन् । हत्या गर्ने समूहको खोजी भइरहेको समेत प्रहरीले जनाएको छ ।- प्रेम सुनार, रातोपाटीबाट
Post a Comment