मेडिकल शिक्षा क्षेत्रमा भएको विकृति अन्त्य गर्नुपर्ने माग राख्दै आठौं पटक अनशन बस्नुभएका डा। केसीले १६ औं दिनमा अनशन तोड्नु भएको छ । शिक्षण अस्पताल महाराजगञ्जमा उपचारको लागि आएका बिरामीको हातबाट जुस खांदै केसीले अनशन तोड्नुभएको हो ।
शिक्षण अस्पताल महाराजञ्जमा उपचारको लागि आएका सिन्धुपाल्चोकका ५ वर्षीय सरोज नेपाली, सिराहाबाट छोराको उपचार गर्न आएकी अनितादेवी महतो र गोरखाका भिक्षु छेवाङ नुर्वु लामाको हातबाट जुस पिउँदै केसीले अनशन तोडनुभएको थियो । तीन जनाले जुस खुवाएपछि पूर्व मुख्यसचिव लीलामणि पौडेल र सरकारी वार्ता टोलीका संयोजक डा। सेनेन्द्रराज उप्रेतीले डा। केसीलाई जुस खुवाउनु भएको थियो ।
अनशनको अन्त्य गर्दै डा। केसीले संस्थागत माफियातन्त्रविरुद्ध सबै मिलेर लड्नुपर्ने र सरकारसँग भएको सम्झौता पहिलो चरण मात्रै भएको भन्दै अझ सशक्त आन्दोलन गर्ने बताउनुभएको थियो । सरकारी वार्ता टोलीसँग आइतबार राति ४ बुँदे सहमति भएपछि केसीले आज अनशन तोड्नुभएको हो ।
Post a Comment