![](http://cliparts.co/cliparts/8TG/bM5/8TGbM5Apc.png)
रत्ननगर (चितवन), ७ साउन । पूर्वी चितवनको खैरहनीमा मोटरसाइकलको ठक्करबाट एक बालिकाको मृत्यु भएको छ ।
बिहीबार साँझ भएको उक्त दुर्घटनामा गम्भीर घाइते भएकी ती बालिकाको चितवन मेडिकल कलेजमा उपचारका क्रममा ज्यान गएको जिल्ला प्रहरी कार्यालय चितवनले जनाएको छ ।
ठक्करबाट मृत्यु हुनेमा खैरहनी नगरपालिका–४ निवासी विकास दराईकी ५ वर्षीया छोरी मुस्कान दराई रहेको जिल्ला प्रहरी कार्यालय चितवनले जानकारी दिएको छ ।
खैरहनी नगरपालिका–३ स्थित सडकमा ना ३८ प ८३०६ नम्बरको मोटरसाइकलले ठक्कर दिँदा उक्त दुर्घटना भएको हो ।
मोटरसाइकलका चालकलाई नियन्त्रणमा लिइएको प्रहरीले जनाएको छ । रासस
Post a Comment