![School-Bus](http://www.onlinekhabar.com/wp-content/uploads/2016/07/School-Bus.jpg)
काठमाडौं,साउन ७ गते । नेपाली कांग्रेसले बिहीबार बिहान ताहाचलमा भएको बिद्यालयको बालबालिका बोक्ने बसमा आगजनी गर्नेलाई कारबाही गर्न माग गरेको छ ।
बिद्यार्थी बोकेर गुडेको बसमा आगजनी भएको घटनाप्रति दुःख व्यक्त गर्दै कांग्रेसले आतंककारी शैलीमा गरिएको आगजनीको धोर भत्र्सना गरेको छ ।
नेपाली कांग्रेसका मुख्यसचिव कृष्णप्रसाद पौडेलले जारी गरेको विज्ञप्तिमा अज्ञान समूहबाट भएको यस घटनाले स्कुल हिँडेका बिद्यार्थी र उनीहरुका अबिभावकमा मानसिक तनाव दिएको साथै बालअधिकारको गम्भीर हनन् गरेको समेत उल्लेख गरिएको छ ।
साथै अत्यबश्यकीय सवारीसाधनमा यस्तो निकृष्ट तवरले हमला नगर्न पनि कांग्रेसले चेतावनी दिएको छ ।
बिद्यालयको सवारीमाथि आक्रमण गर्नेजस्ता आपराधिक कृयाकलाव रोक्न र यस घटनामा संलग्न व्यक्तिहरुलाई कडा भन्दा कडा कारबाही गर्न कांग्रेसले सरकारसँग माग गरेको छ ।-अनलाइनखबरबाट
Post a Comment