काठमाडौं, असार २९ गते । नेपालको एकमात्र केन्द्रिय प्रयोगशाला टेकुले हेपाटाइटिस बी को एबीभीको भाइरल लोड परीक्षण पनि सुरु गरेको छ ।
एचआइभी रिफरेन्स युनिट एनपिएचएल चिफ कन्सलटेन्ट प्याथोलोजिष्ट तथा इन्चार्ज डा राजकुमार महतोले यसअघि यो जाँचका लागि नेपाल बाहिर पठाइने गरेको बताए । उनले भने, ‘अबदेखि त्यो बाध्यताको अन्त्य भएको छ ।’
भाइरल लोड भन्नाले बिरामीको रगतमा रहेको भाइरसको मात्रालाई बुझाउँछ । सामान्यता रगतमा भाइरसको मात्रा जति कम भयो उति राम्रो मानिन्छ । यो जाँचको लागि बिरामीको रगतमा भएको प्लाज्मा आवश्यकता पर्दछ । यो जाँचबाट बिरामीको अवस्था, औषधिले काम गरे नगरेको थाहा पाउन सकिन्छ ।
प्रयोगशालाले यसअघि एचआईभी र एचसीभीको भाइरल लोड परीक्षण गर्दै आइरहेको छ । विश्व स्वास्थ्य सङ्घबाट प्रमाणित पूर्ण स्वचालित मेसिनको सहायताले उक्त जाँच भइरहेको उनले जानकारी दिए ।- स्वास्थ्य खबरपत्रिका
Post a Comment