काठमाडौँ— भूकम्पपछि बन्द भएको परोपकार प्रसूति तथा स्त्री रोग अस्पतालको टेस्ट्युब बेबी सेवा सुचारु भएको छ । जस अनुसार असारमा पाँच दम्पतिले यो सेवा पाउने भएका छन् ।
अस्पतालका प्रशासकीय अधिकृत अमरनाथ अमात्यले भवनको अभावमा सबैलाई सेवा दिन भने नसकिएको बताए । भूकम्पले भवनमा क्षति पुर्याएका कारण एक वर्षसम्म यो सेवा बन्द भएको थियो ।
नयाँ भवन बनेपछि एकै पटक धेरै दम्पतिले टेष्टयुव बेवीको सेवा सस्तोमा गुणस्तरीय सेवा लिन पाउने अमात्यले बताए ।
परोपकार प्रसुति तथा स्त्री रोग अस्पतालले ललितपुरको कुपण्डोलमा रहेको ३५ रोपनी जग्गामा टेष्ट्युव बेवीको लागि आइभिएफ सेन्टर बन्ने भएको छ ।
हाल थापाथलीमा रहेको भवन भूकम्पका कारण पूर्णरुपमा क्षतिग्रस्त भएपछि अस्पतालले नयाँ भवन बनाई टेष्ट्युब बेबीको सेवा पनि बिस्तार गर्ने बताइएको छ ।
अस्पतालका प्रशासकीय अधिकृत अमरनाथ अमात्यले अहिले टेण्डर आह्वान गर्ने काम भइरहेको र भदौँ महिनाबाट भवनको नक्साङकन गर्ने कार्य हुने बताए ।
उनले भने, ‘‘हामीले कुपोण्डोलमा रहेको जग्गामा टेष्ट्युव बेवी बाहेक एकेडेमिक भवन पनि बन्ने छ । जहाँ मिडवाइफरीको पिसिएल, बिएन र स्नाकोत्तरसम्मको अध्ययन पनि हुनेछ ।’’
करिब २५ करोडको लागतमा निर्माण गरिने भवन बनेपछि टेष्ट्युव बेबीको सेवा लिन चाहनेका लागि सहज हुने प्रशासकीय अधिकृत अमात्यले बताए ।- स्वास्थ्य खबरपत्रिका
Post a Comment