एजेन्सी , जेष्ठ २१ गते । ह्वाट्स एपले भर्खरै सुरु गरेको च्याट म्यासेन्जर एण्ड टू एण्ड एन्क्रिप्शन अब फेसबुकले पनि आफ्नो च्याट म्यासेन्जरमा सुरु गर्ने भएको छ।
बेलायतको चर्चित पत्रिका गार्जियनको रिपोर्ट अनुसार यो प्रोजेक्टलाई नजिकबाट हेर्ने विज्ञहरुले म्यासेन्जर प्रयोग गर्नेहरुलाई एपमा गोपनीयताको पनि अपशन राख्न सकिने बताएका छन्।
यसअघि फेसबुक, ह्वाट्स एप लगायत सामाजिक सञ्जालको म्यासेजर च्याटलाई सरकारी निकायले सार्वजिनक रुपमा हेर्न मिल्ने सुविधा दिइएको थियो। तर अब म्यासेन्जरको च्याट फेसबुकमा र सरकारी निकायले हेर्न नसक्ने भएका छन्।
यसपछि अब फेसबुक म्यासेन्जर चलाउने प्रयोगकर्ताले एन्क्रिप्शन आफैले छान्न पाउनेछन् र आफ्नो गोपनियता आफै कायम गर्न सक्नेछन्।
तर फेसबुकले पछिल्लो पटक गरेको परीक्षणमा म्यासेन्जरमा गोपनियताको अप्शन दिइएको थियो। तर यो गोपनियताको च्याटमै एण्ड टू एण्ड एन्क्रिप्शन राख्ने वा यो भन्दा अलग्गै बनाएर राख्ने भन्नेमा फेसबुक नै दोधारमा देखिएको छ।
भर्खरै भएको अपरेटिङ सिस्टम सन २०१६ को इभेन्टमा गुगलले एल्लो(Allo) एपको घोषणा गरेका थियो जसमा यही एण्ड टू एण्ड एन्क्रिप्शन फिचरलाई प्राथमिकता दिइएको थियो।
तर गुगलले यो घोषणालाई भने गुगलको पूर्व कर्मचारी एडवर्ड स्नोडेनले आम मानिसलाई यसको चर्को विरोध गर्न अनुरोध गरेका थिए।
Post a Comment