अनुज सापकोटा
विराटनगर , जेष्ठ ३१ गते । सरकारले धक फुकाएर सेवाग्राहीहरुको लागि चाप बढि भएको सरकारी कार्यलयहरु विहान ६ बजेदेखि सञ्चालन हुने घोषणा गरेको थियो ।
तर सरकारी कर्मचारीहरुले उक्त घोषणाको धज्जी उडाएकाछन् । रेडियो मकालुले सरकारी घोषणाको कति पालना हुँदो रहेछ भनेर जिल्ला प्रशासन कार्यालय अनुगमन गरेको थियो । रेडियो मकालु विहान ७.०० वजे पुग्दा कुनै फाँटका कर्मचारी भेटिएनन् । सबै फाँटका मेच र कुर्ची हरु खालि पाइयो ।
फोटो रेडियो मकालु
पासापोर्ट फाँटका कर्मचारी विहान ८.०० वजे , नागरिकता फाँटका कर्मचारी विहान ८.३० मा फाट्टफुट्ट आएको पाइयो । लेखा र रुजु फाँटको कर्मचारी १० नबजी कार्यलयमा देखिएनन् ।
यसबारेमा जिल्ला प्रशासन कार्यलयका कर्मचारीसंग जिज्ञासा राख्दा आप्mनो पनि घरवार भएको र सबैतिर भ्याउनु पर्ने भएकोले विहान ६ वजेनै कार्यालय आउन नसक्ने भन्दै गैरजिम्मेवार पूर्ण जबाफ फर्काए ।
एक सेवाग्राहीले यी कर्मचारीहरुको सरकारी काम कहिले जाला घाम भने जस्तै व्यवहारमा परिवर्तन नआएको र कर्मचारीहरु केवल तलब भत्ता बढाउनु मै केन्द्रित भई छाडातन्त्रलाई प्रशय दिएको भन्दै दुख मनाउ गरे ।
 |
| फोटो रेडियो मकालु |
विराटनगर ६ का गौरव कोइरालाले घोषणामै सिमित विहान ६ बजेदेखि सरकारी सेवाभन्ने नियम तत्काल खारेज गर्न माँग गरे । होइन भने कर्मचारीहरुलाई यो नियम मान्न बाध्य बनाउन सरकार सक्षम हुनुपर्ने बताए ।
Post a Comment