दुई दर्जन नक्कली डाक्टर पक्राउ

बिराटनगर, असार ४ गते। नक्कली चिकित्सकविरुद्ध अपरेसन चलाएको प्रहरीले तराईका जिल्लाबाट एकै दिन दुई दर्जनभन्दा धेरै चिकित्सक पक्राउ गरेको छ । नेपाल प्रहरीको केन्द्रीय अनुसन्धान व्युरो सिआइबीले तराईका पर्सा, मोरङ, चितवन, झापालगायतका जिल्लामा अपरेशन चलाएर दुई दर्जनबढी नक्कली चिकित्सक पक्राउ गरेको हो । बिराटनगर बाट चिकित्सक जावेद अख्तर, संजय कुमार दास , कमर  अब्दुल आलम लाइ पक्राउ गरिएको छ।  

भारतबाट ल्याएको प्रमाणपत्रका आधारमा एमवीवीएस अध्ययन गरेको अनुसन्धानबाट खुलेको हाे । प्रहरीले प्रारम्भिक अनुसन्धान सकिएपछि मात्र पक्राउ गरेका चिकित्सकबारे विवरण सार्वजनिक गरिने वनाएको छ । पक्राउ परेकाले भारतीय कलेजबाट आइएस्सी उत्तीर्ण शैक्षिक प्रमाणपत्रका आधारमा एमवीवीएस पढेका थिए ।

तर, उनीहरुको सर्टिफिकेट नम्कली भएको पुष्टि भएपछि सिआइबीले एकैपटक पक्राउ गरेको हो । सिआइबीले भारतबाट अध्धयन गरेका डाक्टरहरुको शैक्षीक प्रमाणपत्र भारतका विभिन्न कलेजमा गई त्यसको आधिकारिकता परीक्षण गरेको थियो ।