काठमाडौँ, बैसाख ३० गते । सरकारले ‘हिन्दू राष्ट्र’ पुन:स्थापनाको अभियान सञ्चालन गरिरहेको विश्व हिन्दू महासंघ, बाँसबारीलाई २० लाख रुपैयाँ आर्थिक सहयोग गरेको छ ।
मन्त्रिपरिषदले संस्कृति, पर्यटन तथा नागरिक उड्डयन मन्त्रालयको प्रस्तावमा अर्जुन बाँस्तोला कार्यबाहक अध्यक्ष रहेको महासंघलाई सहयोग दिएको हो ।
मन्त्रिपरिषदको निर्णयमा सरकारले महासंघलाई कुन प्रयोजनका लागि सहयोग दिएको हो भन्ने उल्लेख छैन । सरकारले महासंघका अतिरिक्त नेपाल तामाङ घेदुङ राष्ट्रिय कार्यकारिणीको केन्द्रीय सचिवालयलाई ४ लाख, किराँत राई यायोक्खा केन्द्रीय समितिलाई ४ लाख, राजधोव उपत्यका सम्पर्क परिवार शान्तिनगर काठमाडौंलाई २ लाख आर्थिक सहयोग गरेको छ । सरकारले यी तीन संस्थालाई दिएको सहयोगको समेत प्रयोजन खुलाएको छैन ।
- कान्तिपुर समाचार बाट
Post a Comment