भक्तपुर, वैशाख २८ गते । सडकको ग्याभिङ्ग वाल लगाउने उपभोक्ता समितिसँग २० प्रतिशत घुस मागेको आरोपमा एक ईन्जिनियरलाई अख्तियार दुरुपयोग अनुसन्धान आयोगबाट खटिएको टोलीले घुस लिँदै गर्दा पक्राऊ गरेको छ ।
जल उत्पन्न प्रकोप नियन्त्रण कार्यालय भक्तपुर जगातेका ईन्जिनियर शुभनारायण यादवलाई मध्यपुर थिमिको क्षयरोग केन्द्र अगाडि रहेको स्टाफ भोजनालयबाट घुस वापतको ३५ हजार रुपैयाँ लिदै गर्दा अख्तियार टोलीले नियन्त्रणमा लिएको हो ।
अख्तियार टोलीका अनुसार सरकारको ३ लाख रुपैयाँको बजेटमा उपभोक्ता समितिमार्फत ग्याभिङ्ग वाल लगाउने काम गर्दा ईन्जिनियर यादवले कुल बजेटको ३५ प्रतिशत रकम माग गरेकोमा २० प्रतिशत रकम घुस लिने सहमति गरेका थिए । ३५ हजार रुपैयाँ पहिलो किस्तामा र बाँकी रकम काम सकिए पछि लिने सर्त अनुसार घुस रकम लिदै गर्दा यादवलाई पक्राऊ गरेको आयोगले जानकारी दिएको छ ।
Post a Comment